ठाकरे गटाला भाजपचा आणखी एक दणका, उत्तर महाराष्ट्रातला बडा नेता लागला गळाला

गेल्या काही दिवसांपासून वैशाली सूर्यवंशी भाजपमध्ये प्रवेश करणार असल्याच्या चर्चा सुरू होत्या. अखेर आज त्या चर्चेला पूर्णविराम मिळाला. त्यांच्या भाजप प्रवेशामुळे आता पाचोरा-भडगाव विधानसभा मतदारसंघात राजकीय समीकरणे बदलण्याची शक्यता आहे. भाजपला या भागातील एक महत्त्वाचा चेहरा मिळाला असून, आगामी काळात त्याचा फायदा त्यांना होऊ शकतो. वैशाली सूर्यवंशी यांच्या प्रवेशाने ठाकरे गटाची ताकद कमी झाल्याचे मानले जात आहे. यामुळे जळगाव जिल्ह्यातील राजकारणात भाजपची स्थिती आणखी मजबूत झाली आहे.