उद्या SP ला बोलवा, PI ला इन्व्हेस्टिगेशन शब्द बोलता येत नाही, हे काय युक्तिवाद करणार? न्यायाधीशांनी झापलं

अजित मांढरे, प्रतिनिधी, ठाणे : ठाणे महापालिकेचे लाचखोर उपायुक्त शंकर पाटोळे यांच्या २५ लाख रुपयांच्या लाच प्रकरणात न्यायालयाने पोलीस अधिकाऱ्यांच्या तपासावर प्रश्नचिन्ह उपस्थित करीत झाप झाप झापले. इन्व्हेस्टिगेशन हा शब्द ज्या पोलीस निरीक्षकाला उच्चारता येत नाही, तो काय या प्रकरणात युक्तिवाद करणार? असा सवाल करीत उद्याच्या सुनावणीला पोलीस निरीक्षकाला पाठवू नका, जिल्हा पोलीस अधीक्षकांना पाठवा नाहीतर मला तुमच्यावर कारवाई करावी लागेल, असा इशाराच सत्र न्यायाधीशांनी दिला.