BMW कारमधून अंमली पदार्थांची तस्करी, गाडीवर ठाणे मनपाचा लोगो, आरोपींचे राजकीय कनेक्शन

भिवंडीतून हे अंमली पदार्थ विविध मार्गे पाठवले जाणार होते. ⁠अवजड मालवाहतुकीच्या आड अंमली पदार्थांची तस्करी सुरू होती, अशी माहिती ठाणे पोलिसांनी दिली. तसेच यामध्ये आंतरराज्यीय टोळी असण्याची शक्यताही ठाणे पोलिसांनी वर्तवली आहे.

ठाणे पोलिसांनी जप्त केलेल्या अंमली पदार्थ तस्करी कारवाईत ⁠महागड्या बीएमडब्लू कारमधून अंमली पदार्थांची तस्करी होत असल्याचा प्रकार समोर आला. ⁠तस्करी करीता वापरण्यात आलेल्या महागड्या बीएमडब्लू गाडीवर ठाणे मनपाचा लोगो आहे. ⁠पोलिसांनी अटक केलेल्या आरोपींचे राजकीय कनेक्शन देखील आहे.

⁠आरोपी तनवीर अहमद अंसारी आणि आरोपी महेश देसाई यांना पोलिसांनी अटक केली आहे. तनवीर याच्यावर याआधी अंमली पदार्थ तस्करीचे दोन गुन्हे दाखल आहेत. ⁠तर महेश देसाई याच्यावर अंमली पदार्थ तस्करीसह मोक्का कायद्यांतर्गत कारवाई करण्यात आली होती. ⁠तनवीर हा मुंब्र्याचा रहिवाशी आहे तर महेश देसाई हा कोल्हापूर येथील आजरा येथील रहिवाशी आहे.