ज्येष्ठ गांधीवादी कार्यकर्त्या करुणा फुटाणे यांचं हृदयविकाराच्या धक्क्यानं निधन!

वर्धा, 3 ऑगस्ट, नरेंद्र मते :  ज्येष्ठ गांधीवादी कार्यकर्त्या व ग्रामसेवा मंडळाच्या अध्यक्षा करुणा फुटाणे यांचं निधन झालं आहे. वयाच्या 65 व्या वर्षी त्यांनी अखेरचा श्वास घेतला. ग्रामसेवा मंडळाच्या परिसरातील राहत्या घरी हृदयविकाराच्या धक्क्यानं त्यांचं निधन झालं. वर्ध्यातील हिंदू स्मशानभूमीत आज दुपारी एक वाजता त्यांच्या पार्थिवावर अंत्यसंस्कार करण्यात येणार आहेत. विदर्भातील कापूस उत्पादक शेतकऱ्यांच्या प्रश्नासाठी त्या शेवटपर्यंत लढत राहिल्या. त्यांच्या पश्चात पती ज्येष्ठ कृषीज्ज्ञ व सर्वोदयी कार्यकर्ते वसंतराव फुटाणे, मुले विनय व चिन्मय, सुना आणि नातवंडे असा परिवार आहे.