पारंपरिक मूर्तिकलेला फाटा देत youtube बघून योगेश शिकले फायबर आर्ट; आकर्षक मूर्ती वेधतायत लक्ष Video

आजोबा आणि वडिलांकडून मूर्तीकला लहानपणापासूनच योगेश यांनी आत्मसात केली. ज्यात गणपती, दुर्गादेवी, महालक्ष्मी, अशाप्रकारे सीजनेबल मूर्ती बनवल्या जायच्या परंतु त्याला आधुनिकतेची जोड देतदीड वर्षांपूर्वी म्युरल फायबर आर्ट बनवण्याचं कार्य सुरू केलं. ज्यात शाडू मातीने साचा बनवून फायबर कोटिंग देऊन आकर्षक मूर्ती साकार होऊ लागल्या. छोट्या मूर्ती बनविल्यानंतर त्यांनी मोठ्या मूर्तीचं काम हातात घेतलं. सध्या राधा-कृष्णची मूर्ती ते तयार करत आहेत जी सात फुटांची आहे. याआधी त्यांनी पुंडलिक महाराज,छत्रपती शिवाजी महाराज, महाराणा प्रताप, राधा-कृष्ण या मूर्ती बनविल्या आहेत.

गेल्या पंचवीस वर्षांपासून योगेश मूर्ती कलेशी जुडलेले आहेत,यादरम्यान योगेश यांनी वयाच्या सोळाव्या वर्षी पोर्ट्रेटमध्ये गजानन महाराज परायनाचे 21 अध्याय बनवले. ते इतके आकर्षक होते की वर्ध्यातील गजानन महाराज मंदिरात हे पोर्ट्रेट लावलेले आहेत. केवळ पारंपरिक मूर्ती कलेची माहिती असून कोणतेही प्रशिक्षण न घेता साकार झालेली अनोखी मूर्तिकला योगेश यांची नवी ओळख बनली आहे.