UIDAI चा मोठा निर्णय! आधार कार्ड अपडेट्ससाठी आता द्यावे लागतील जास्त पैसे
- Published by:Mohini Vaishnav
Last Updated:
Aadhaar Card Fee Hike : आधारमधील सर्व प्रकारची माहिती तुम्ही अपडेट करू शकता, ज्यामध्ये नाव, मोबाईल नंबर, लिंग, बायोमेट्रिक डिटेल्स इत्यादींचा समावेश आहे.
नवी दिल्ली : चुका दुरुस्त करणे किंवा आधार कार्ड अपडेट करणे आता महाग झाले आहे. युनिक आयडेंटिफिकेशन अथॉरिटी ऑफ इंडियाने आधारशी संबंधित सेवांसाठी शुल्क वाढवले आहे जे आज, 1 ऑक्टोबरपासून लागू होईल. नवीन आधार कार्ड बनवण्यासाठी अद्याप कोणतेही शुल्क आकारले जाणार नाही. पूर्वी आधार कार्ड अपडेट करण्यासाठी शुल्क ₹50 होते, जे आता ₹75 पर्यंत वाढवले आहे. त्याचप्रमाणे, आधारमधील बायोमेट्रिक अपडेटसाठी शुल्क देखील ₹100 वरून ₹125 पर्यंत वाढवण्यात आले आहे, म्हणजेच तुम्हाला आता ₹25 अधिक द्यावे लागतील.
युनिक आयडेंटिफिकेशन अथॉरिटी ऑफ इंडियाने जवळजवळ पाच वर्षांनी हे शुल्क वाढवले आहे. नवजात मुलांसाठी आधार कार्ड मोफत असेल. आधार कार्ड जारी केल्यानंतर त्यांचे नाव, पत्ता, बायोमेट्रिक्स किंवा इतर डिटेल्स अपडेट करणाऱ्यांना हे शुल्क लागू होते. नवजात बाळाचे आधार कार्ड जारी केल्यानंतर, पाच वर्षांच्या वयात बायोमेट्रिक अपडेट आवश्यक आहे. यानंतर, अपडेट 5 ते 7 वर्षे आणि 15 ते 17 वर्षे दरम्यान केले जाते.
advertisement
UIDAI ने 5 ते 7 वर्षे आणि 15 ते 17 वर्षे वयोगटातील मुले आणि किशोरवयीन मुलांसाठी डिस्काउंट दिले आहे. आता, या वयोगटातील बायोमेट्रिक अपडेटसाठी कोणतेही शुल्क आकारले जाणार नाही. पूर्वी हे शुल्क 50 रुपये होते. खरंतर, त्यांच्यासाठी हे अपडेट अनिवार्य राहील.
advertisement
तुमच्या घरी किंवा सोयीस्कर पत्त्यावर मशीन पोहोचवून आधार अपडेट करण्यासाठी शुल्क वाढवण्यात आलेले नाही. फीस 700 रुपये आकारले जाते. परंतु ते वाढवण्यात आलेले नाही. यासाठी UIDAI ला ईमेल पाठवणे आवश्यक आहे. त्यानंतरच ही सुविधा उपलब्ध होते.
Location :
Mumbai,Maharashtra
First Published :
October 01, 2025 5:16 PM IST
