1 जुलै ते सप्टेंबर 2025 या कालावधीमध्ये ग्रामपंचायत पातळीवर री केवायसी सुरू केलं आहे. काही कॅम्प देखील लावले जात आहेत. त्यामार्फतदेखील तुम्ही केवायसी करू शकता. मात्र त्याची योग्य माहिती काढून मगच तिथे केवायसी करा. नाहीतर असंच कुणालाही तुमची माहिती देऊ नका. त्यामुळे तुमचं खातं रिकामं होण्याचा धोका आहे हे विसरु नका. जन धन खात्याच्या री-केवायसी अंतर्गत, खातेधारक त्यांच्या वैयक्तिक तपशीलांमध्ये देखील बदल करू शकतात. जसे की पत्ता बदलणे किंवा इतर कोणतीही माहिती.

जन धन खात्याच्या री-केवायसीसाठी कागदपत्रे जर योग्य नसतील तर तुमचं काम होणार नाही. त्यासाठी आधार कार्ड, वोटिंग कार्ड, ड्रायव्हिंग लायसन्स किंवा पासपोर्ट आवश्यक असेल. या कागदपत्रांद्वारे तुम्हाला तुमचा पत्ता पुरावा देखील द्यावा लागेल.