Business Success: संकटं अडवत होती, पण ती थांबली नाही! नोकरी सोडली अन् सुरू झाला मुंबईचा फेमस ब्रँड

कलेशी नातं घट्ट असल्यामुळे दया यांनी फॅब्रिकशी संबंधित एक विशेष कोर्स केला. या शिक्षणाचा उपयोग करून त्यांनी फॅब्रिकवर पेंटिंग करण्यास सुरुवात केली. हाताने रंगवलेले कपडे पुण्यात राहणाऱ्या बहिणीकडे पाठवून विक्री केली असता चांगला प्रतिसाद मिळाला. पुढे त्यांनी जॅकेट्स, कुर्ती, अनस्टीच्ड फॅब्रिकवर पेंटिंग करत त्याचा व्यवसाय सुरू केला. या प्रवासात एक मोठी संधी मिळाली ती मुंबईतील 'काळाघोडा आर्ट फेस्टिव्हल' मध्ये स्टॉल लावण्याची. इथे त्यांच्या कलेला मिळालेला भरघोस प्रतिसाद पाहता त्यांचा व्यवसाय चांगलाच झाला. याच प्रेरणेने ‘दयास द डिज़ाइनर स्टुडिओ’ हा स्वतःचा ब्रँड सुरू केला.

आपल्या कलेच्या आणि मेहनतीच्या जोरावर दया यांनी एक यशस्वी व्यवसाय उभा केला आहे. "स्वतःला जे आवडतं ते करा, मनात जिद्द असली की सगळं काही शक्य होतं," असं त्या सांगतात. घर सांभाळून, लहान मुलांना सांभाळून त्यांनी व्यवसायात दिलेला न्याय हा अनेक महिलांसाठी प्रेरणादायी आहे. दया कारापूरकर यांचा प्रवास जिद्द, कल्पकता आणि मेहनत याच्या जोरावर आपण कोणतीही उंची गाठू शकतो, याचं उत्तम उदाहरण आहे.