Success Story : शिक्षणानंतर निवडला व्यवसायाचा मार्ग, साक्षी यांनी सुरू केला चीजकेक स्टॉल, महिन्याला इतकी कमाई

मुंबई : दादर परिसरातील तरुण उद्योजिका साक्षी बोंगार्डे हिने शिक्षण पूर्ण होताच स्वतःचा केक ब्रँड उभा करून तरुण पिढीसमोर प्रेरणादायी उदाहरण ठेवले आहे. बेकरी कोर्स पूर्ण झाल्यानंतर कोणतीही मोठी गुंतवणूक किंवा व्यावसायिक पार्श्वभूमी नसताना तिने शिवाजी पार्कजवळ एक लहानसा चीजकेक स्टॉल सुरू केला. पहिल्याच दिवसापासून ग्राहकांची उत्सुकता आणि चविष्ट पदार्थांची पसंती पाहून साक्षीला आपल्या प्रयत्नांचे योग्य फळ मिळत असल्याची जाणीव झाली.