Stocks To Buy : नवीन वर्षापूर्वी बक्कळ पैसा कमवायचाय? बेस्ट ठरु शकतात हे शेअर, एक्सपर्टचा सल्ला

नवी दिल्ली : संमिश्र जागतिक संकेतांदरम्यान मंगळवारी (26 डिसेंबर) भारतीय शेअर बाजाराची स्थिती संमिश्र होती. तीन दिवसांच्या सुट्टीनंतर मंगळवारी बाजार सुरू होताच सेन्सेक्स आणि निफ्टी लाल फितीत ओपन झाले. निफ्टीची स्थिती बरी होती. मंगळवारी बँक निफ्टी 28 अंकांच्या किरकोळ वाढीसह 47,519.80 वर उघडला. सेन्सेक्स 31.80 अंकांनी घसरून 71,075.16 वर ओपन झाला. निफ्टी 3.20 अंकांची अत्यंत किरकोळ घसरण दिसली. निफ्टी 31,346.20 च्या स्तरावर उघडला. बाजार उघडल्यानंतर अवघ्या काही मिनिटांत तीनही प्रमुख निर्देशांक ग्रीन साइनमध्ये व्यवहार करताना दिसले.