Trending:

Mumbai Accident News : नियतीचा क्रूर खेळ! उच्च शिक्षणाचे स्वप्न अधुरेच; बाईक अपघातात 19 वर्षीय तरुणाचा जागीच मृत्यू

Published by:Tanvi
local18

Last Updated:Jan 17, 2026 7:33 AM IST

Vile Parle East Road Accident News : विलेपार्ले पूर्वेतील मिलन सबवे परिसरात दुचाकी अपघातात 19 वर्षीय तरुणाचा मृत्यू झाला. पहाटे झालेल्या या अपघातप्रकरणी पोलिसांनी टेम्पोचालकावर गुन्हा दाखल केला आहे.

इम्पॅक्ट शॉटतुमचा गेटवे लेटेस्ट न्यूज

मुंबई : उच्च शिक्षण आणि करिअरची स्वप्ने पाहणाऱ्या तरुणावर काळाने घाला घातलेला आहे. माहीम दर्ग्यावरुन घरी परतत असताना विलेपार्ले पूर्वेतील मिलन सबवे परिसरात झालेल्या दुचाकी अपघातात फरहान शेख (वय 19) या तरुणाचा दुर्दैवी मृत्यू झाला. फरहान हा मुंबई मेट्रो प्रकल्पात इंटर्न म्हणून काम करत होता. हा अपघात मंगळवारी पहाटे साडेपाचच्या सुमारास घडला.

स्वप्नांचा चक्काचूर

मिळालेल्या माहितीनुसार, फरहान आपल्या दुचाकीवरून घरी जात असताना मिलन सबवे परिसरात एका टेम्पोने त्याच्या दुचाकीला धडक दिली. धडक इतकी जोरदार होती की फरहान गंभीर जखमी झाला. अपघातानंतर परिसरातील नागरिकांनी तात्काळ मदत करत त्याला जवळच्या रुग्णालयात दाखल केले. मात्र उपचार सुरू असतानाच डॉक्टरांनी त्याला मृत घोषित केले.

अपघाताची माहिती मिळताच विलेपार्ले पोलिसांनी घटनास्थळी धाव घेत पोलिसांनी अपघाताची कारवाई करून पुढील तपास सुरू केला. या प्रकरणी टेम्पोचालक दीपक धोत्रे (वय 28) याच्याविरोधात गुन्हा दाखल करण्यात आला आहे.

प्राथमिक तपासात टेम्पोचालकाच्या निष्काळजीपणामुळे हा अपघात झाल्याचा संशय व्यक्त करण्यात येत आहे.. त्याच्या अकाली मृत्यूमुळे कुटुंबावर दुःखाचा डोंगर कोसळला आहे. फरहानचे वडील शाबुद्दीन शेख (वय 51) यांनी या घटनेबाबत विलेपार्ले पोलीस ठाण्यात तक्रार दिली आहे.