Elphinstone Bridge: आता होणार ट्रॅफिक जॅम! एल्फिस्टन पूल आजपासून बंद, पर्यायी मार्ग कोणते असतील

मुंबई : मुंबईतील परळ आणि प्रभादेवी परिसरास जोडणारा ऐतिहासिक एल्फिस्टन पूल पाडण्यात येणार आहे. त्यासाठी हा पूल शुक्रवार (25 एप्रिल) रोजी रात्री 9 वाजलेपासून वाहतुकीस बंद ठेवण्यात येणार आहे. एल्फिस्टन सारखा महत्त्वाचा पूल बंद राहणार असल्याने वाहतूककोंडी होण्याची शक्यता आहे. ती टाळण्यासाठी वाहतूक इतर मार्गाने वळवण्यात आलीये. एल्फिस्टन पुलावरून पूर्व पश्चिम दिशांना जाणाऱ्या वाहनांना पर्यायी वाहतूक मार्गांची सोय करण्यात आलीये. तसेच काही मार्ग हे एकेरी (वन वे) करण्यात आले असून काही ठिकाणी नो पार्किंग झोन घोषित करण्यात आले आहे.