Mumbai News: मुंबईकर सुस्साट! 30 मिनिटांचा प्रवास फक्त 5 मिनिटांत, इथं 300 कोटींचा पूल

मुंबई: वाहतूककोंडीने हैराण मुंबईकरांसाठी एक खूशखबर आहे. फिनिक्स मिल्स आणि कमला मिल्सकडे जाणाऱ्या सेनापती बापट मार्गाला लाला लजपतराय रोडच्या हाजी अली टोकाशी जोडण्यात येणार आहे. त्यासाठी एक नवीन उन्नत रस्ता प्रस्तावित असून तो कोस्टल रोडला जोडणार आहे. विशेष म्हणजे या नव्या मार्गामुळे परळ, दादर, माटुंगा आणि माहीम या गर्दीच्या भागातून प्रवास करणारे लोक काही मिनिटांतच हाजी अली जंक्शनजवळील कोस्टल रोडवर पोहोचू शकतील.