तो नाल्यात पडलाय, पोलीस स्टेशनला फोन गेला, १० मिनिटात घटनास्थळी, बचावकार्याचा थरारक Video, मुंबई पोलिसांना सलाम!

व्हायरल व्हिडिओवर नागरिकांकडून जोरदार कौतुक केले जात आहे. व्हिडिओमध्ये, जोगेश्वरीमधील एका परिसरामध्ये एक व्यक्ती नाल्यामध्ये पडला होता. त्याला बाहेर काढण्यासाठी आसपासच्या लोकांनी बराच प्रयत्न केला, पण त्यांना काही जमलं नाही. अखेर तेथील लोकांनी पोलि‍सांना बोलावले आणि पोलीस स्वत: हून नाल्यात उतरून त्या व्यक्तीचा जीव वाचवला. कोणत्याही वेळी पोलीसांना फोन केला तरी पोलीस वेळेतच नागरिकांच्या मदतीला उभे राहतात. वेळेची मर्यादा न पाळता नागरिकांच्या मदतीला धावणाऱ्या पोलीसाचं व्हिडिओच्या माध्यमातून जोरदार कौतुक केलं जात आहे.

मुंबई पोलिस स्वत: नाल्यात उतरून मदत करणारे व्हिडिओ @MumbaiPolice या X अकाउंटवरून शेअर करण्यात आला आहे. या व्हिडिओला आतापर्यंत 32 हजारांहून अधिक व्ह्यूज मिळाले आहेत. अनेकांनी या व्हिडिओवर विविध प्रतिक्रिया देत पोलिसांच्या कार्याचं कौतुक केलं आहे. अनेकांनी पोलिसांच्या कार्याला सलाम ठोकला असून त्यांचे तोंडभरून कौतुक करीत आहे. व्हिडिओ पाहून एक व्यक्ती म्हणतो, “हे आहेत खरे मुंबई पोलीस,” तर काही म्हणतात, “मुंबई पोलिसांच्या कामाचा प्रचंड अभिमान आहे.” मिळालेल्या माहितीनुसार, नाल्यातून बाहेर काढलेल्या व्यक्तीवर एका जवळच्या रुग्णालयात उपचार सुरू आहेत. त्यांची प्रकृती आता स्थिर आहे. मात्र तो नाल्यात पडला कसा, याबद्दल अद्याप कोणतीही अधिकृत माहिती समोर आलेली नाही.