Mumbai Water Cut: मुंबईकर पाणी जपूनच वापरा, येत्या शनिवार, रविवारी सुट्टी, या भागात पुरवठा बंद राहणार

मुंबई : ऐन उन्हाळ्यात मुंबईकरांना पाणीटंचाईचा सामना करावा लागतोय. धरणातील पाणीसाठा कमी झालेला असतानाच आता येत्या शनिवार आणि रविवारी काही भागात पुरवठा बंद राहणार आहे. महापालिकेच्या जल अभियंता विभागामार्फत शनिवार, 26 एप्रिल रोजी सकाळी 10 ते रविवार, 27 एप्रिल रोजी सकाळी 10 वाजेपर्यंत घाटकोपर पश्चिमेकडील जलवाहिनीसंबंधी विविध कामे करण्यात येणार आहेत. यामुळे ‘एन’ व 'एल' विभागातील काही भागांचा पाणीपुरवठा 24 तास बंद राहणार आहे. नागरिकांनी पाणी काटकसरीने वापरावे, असे आवाहन पालिकेने केले आहे.