Crime News : पंढरीशेठ फडकेंच्या दुश्मनाचे हाल, गोळीबार करून झाली मोठी चूक, नवीन अपडेट

प्रमोद पाटील, पनवेल : कल्याणचे आमदार गणपत गायकवाड यांनी पोलीस ठाण्यात केलेल्या गोळीबारात शिवसेनेचे नेते महेश गायकवाड आणि राहुल पाटील हे दोघे जखमी झाले होते. यातील राहुल पाटीलचा त्याआधी पंढरीशेठ फडके यांच्यासोबत राडा झाला होता. तेव्हाही गोळीबाराची घटना घडली होती. आता पुन्हा एकदा गेल्या आठवड्यात बैलगाडा शर्यतीवेळी वादानंतर गोळीबाराची घटना घडली. या प्रकरणी पनवेल शहर पोलीस ठाण्यात गुन्हा दाखल झाला आहे. पोलिसांनी राहुल पाटीलसह तिघांना अटक केली आहे. आता या नव्या राड्यामुळे राहुल पाटीलच्या अडचणीत वाढ झाली आहे. या प्रकरणी नवे अपडेट समोर आले आहेत.