बडा नेता शरद पवार यांच्या भेटीला, विधानसभेची उमेदवारी मागितली

पुढील काही दिवसांतच विधानसभा निवडणुकीची आचारसंहिता लागण्याची शक्यता असल्याने राजकीय पक्षांत जागा वाटपाची बोलणी अंतिम टप्प्यात आली आहे. महाविकास आघाडीत मोहोळ विधानसभेची जागा शरद पवारांच्या राष्ट्रवादीला सुटण्याची शक्यता असल्यामुळे मोहोळ विधानसभेसाठी इच्छुक रमेश कदम यांनी शरद पवारांची भेट घेतली. सध्या मोहोळ विधानसभेचे प्रतिनिधित्व अजित पवार यांच्या राष्ट्रवादीचे यशवंत माने करीत आहेत.

विधानसभा निवडणुकीच्या पार्श्वभूमीवर राजकीय पक्षांमध्ये जागा वाटपासाठी जोरबैठका सुरू आहेत. महाविकास आघाडीमध्ये मोहोळची जागा शरद पवार यांच्या राष्ट्रवादीला मिळण्याची शक्यता गृहीत धरून रमेश कदम यांनी उमेदवारीसाठी प्रयत्न सुरू केले आहेत.