Sanjay Raut : 'आमच्यात माणुसकी म्हणून एकाच फोटोवर..' संजय राऊतांनी बावनकुळेंना पुन्हा डिवचलं

चंद्रशेखर बावनकुळे यांनी त्यांच्या कथित फोटोवरुन संजय राऊत यांच्यावर टीकास्त्र सोडलं. फोटोवरून कुणाची इमेज खराब करू नये हे त्यांचं म्हण बरोबर आहे. मात्र, त्यांनी हे त्यांच्या सहकाऱ्यांना सांगावे. सगळ्या पक्षाच्या नेत्यांनी देखील 40 ते 45 वर्ष राजकारणात घालवली आहे, आम्ही देखील घासली आहे. ते ज्या पद्धतीने हल्ले करतात ते कुठल्या संस्कृतीत बसतं? असा प्रश्न विचारत आता तुम्हाला कळाले असेल की काय होतं आणि काय घडतं. तरी आमच्यात माणुसकी म्हणून आम्ही एकाच फोटोवर थांबलो, असा इशाराच यावेळी संजय राऊत यांनी दिला.

मी मागच्या 34 वर्षांपासून राजकीय आणि सामाजिक जीवनात आहे. मी विधिमंडळात 20 वर्षांपासून आहे. मी चारवेळा निवडून आलो. अशा फोटोच्या आधारावर कुणाची इमेज खराब करता येत नाही. कुणी हा प्रयत्न केला आहे, त्याला लखलाभ. संघर्ष करून आम्ही आमची इमेज तयार केली आहे. मागील दीड वर्षांपासून मी घरच्यांना वेळ दिला नव्हता. दिवाळीत माझ्या परिवाराने 3 दिवसांसाठी माझा वेळ घेतला आणि आम्ही फिरायला गेलो. मात्र, काहींनी व्यक्तीगत टीका करण्याचा प्रयत्न केला.