हॉटेलमध्ये काम करत अभ्यास, आता सरकारी शाळेत मिळाली शिक्षकाची नोकरी, दिव्यातील प्रेरणादायी गोष्ट!

ठाणे : कॉलेजच्या दिवसात पाहिलेल्या स्वप्नांवर योग्य मेहनत घेतली, तर पाहिलेले स्वप्न नक्कीच एक दिवस पूर्ण होतं. दिव्यातील बाजीराव घुंगरराव यांनी सुध्दा कॉलेजच्या दिवसांत गव्हर्नमेंट सेक्टरमध्ये काम करण्यासाठीच स्वप्न पाहिलं होतं आणि आता त्यांचे हे स्वप्न पूर्ण झाले आहे.

बाजीराव हे मूळ नांदेडचे आहेत. त्यांच्या घरची परिस्थिती अतिशय बेताची होती. त्यांचे सातवीपर्यंतचे शिक्षण हे जिल्हा परिषदेच्या शाळेत झाले. बीएडचे शिक्षण करताना तर त्यांनी हॉटेलमध्ये टेबल पुसण्याचे कामही केले होते. या सगळ्या परिस्थितीवर मात करत त्यांनी 2022 मध्ये झालेल्या परीक्षेत घवघवीत यश मिळवून सरकारी नोकरी मिळवली. आता ते पुणे जिल्हा परिषदेत शिक्षक म्हणून भरती झाले आहेत. त्यांचा हा प्रवास कसा होता आहे, हे लोकल18 च्या टीमने जाणून घेतला.