Air India Plane Crash : मोठी बातमी! अपघातग्रस्त विमानात होते गुजरातचे माजी मुख्यमंत्री?

अहमदाबादहून लंडनला जाणारे हे विमान होते. विमानाने उड्डाण केल्यानंतर काही वेळेतच विमान कोसळले. अहमदाबाद विमानतळावर उड्डाणादरम्यान अपघात झाला असल्याची माहिती समोर आली. एअर इंडियाचे प्रवासी विमान कोसळल्याने एकच खळबळ उडाली. या प्रवासी विमानात 242 प्रवासी असल्याची माहिती आहे. अहमदाबादमधील मेघानी परिसरात हा विमान अपघात झाल्याची माहिती आहे. गुजरातचे माजी मुख्यमंत्री विजय रुपाणी देखील या विमानातून प्रवास करत असल्याची चर्चा आहे. मात्र, त्यांच्याबाबत फारसी माहिती समोर आली नाही. प्राथमिक माहिती नुसार जवळपास 40 हून अधिक प्रवाशांना रुग्णालयात दाखल करण्यात आले आहे.

एअर इंडियाच्या विमानाने टेक ऑफ केल्यानंतर जवळच्या इमारतीला हे विमान धडकले. त्यामुळे हा अपघात झाल्याची माहिती समोर आली आहे. या अपघाताच्या चौकशीचे आदेश देण्यात आले आहेत. विमान कोसळल्यानंतर परिसरात मोठा आवाज झाला आणि धुराचे लोळ उठले. तातडीने मदत आणि बचाव कार्य सुरू करण्यात आले. अग्निशमन दलाच्या जवानासह स्थानिकांनीदेखील मदत कार्य सुरू केले.