Bihar Exit Poll: बिहारमध्ये वारं फिरलं, NDA आणि महागठबंधनाला किती जागा? नवे आकडे समोर

बिहार विधानसभा निवडणुकीसाठी दुसऱ्या टप्प्यात मतदान प्रक्रिया संपली आहे. त्यानंतर एक्झिट पोलचे अंदाज येणे सुरू झाले आहे. मागील अनेक वर्षांपासून प्रतिष्ठेचा समजला जाणारा चाणक्य STRATEGIES चा एक्झिट पोल जाहीर झाला आहे. या पोलमध्ये बिहारमध्ये NDA सरकार बनणार असा अंदाज वर्तवला आहे. बिहार निवडणुकीत  एनडीए आघाडीला 130-138 जागा मिळतील असं सांगितलं आहे, तर इंडिया आघाडी अर्थात महागठबंधनला 100 ते 108 जागा मिळतील. त्यामुळे महागठबंधनला पुन्हा एकदा विरोधी बाकावर बसावं लागणार आहे. तर इतरांना 3 ते 5 जागा मिळणार आहे. एक्झिट पोलचे आकडे आता समोर आले आहे. 243 जागांसाठी १२२ जागांसाठी बहुमताचा आकडा गाठवा लागणार आहे.

बिहार निवडणुकीत यावेळी एनडीए (NDA) आणि महागठबंधन यांच्यात कांटे की टक्कर आहे. दुसऱ्या टप्प्यात एकूण 3.7 कोटी पेक्षा जास्त मतदारांनी 1302 उमेदवारांचे भवितव्य ईव्हीएममध्ये  बंद केलं आहे. या टप्प्यात एनडीएने 122 जागांवर आपले उमेदवार उभे केले होते . ज्यात भाजप (BJP) चे 53 आणि जेडीयू (JDU) चे 44 उमेदवारांचा समावेश आहे.. दुसरीकडे, इंडिया आघाडीकडून आरजेडी (RJD) चे 71 आणि काँग्रेस (Congress) चे 37 उमेदवारांसह एकूण 127 उमेदवार रिंगणात आहेत. आता बिहार निवडणुकीची मतमोजणी ही 14 नोव्हेंबर रोजी होणार आहे, तेव्हाच चित्र स्पष्ट होईल.