‘प्रिया’च्या प्रेमात देश विकला, गुप्त माहिती पाकिस्तानला लीक; दिल्लीतील नौसेना भवन गद्दार विशाल यादवचा कांड

सीआयडी सुरक्षा विभागाचे महानिरीक्षक विष्णुकांत गुप्ता यांनी सांगितले की, पाकिस्तानच्या गुप्तचर संस्थांकडून सुरू असलेल्या हेरगिरीवर राजस्थान सीआयडी सतत नजर ठेवून होती. तपासादरम्यान हे समोर आले की, दिल्लीतील नौसेना भवनात डायरेक्टरेट ऑफ डॉकयार्डमध्ये कार्यरत विशाल यादव सोशल मीडियाच्या माध्यमातून एका पाकिस्तानी महिला हँडलरशी सातत्याने संपर्कात होता. या महिलेला प्रिया शर्मा हे खोटे नाव दिले गेले होते. तिने विशालला पैशांचे आमिष दाखवून नौसेना भवनातील संवेदनशील व सामरिक महत्वाच्या गोपनीय माहितीची चोरी करून पुरवण्यासाठी प्रवृत्त केले होते.

तपासादरम्यान प्राथमिक चौकशीत विशाल यादवबद्दल अनेक धक्कादायक बाबी समोर आल्या आहेत. तो ऑनलाइन गेम खेळण्याचा आहारी गेलेला होता आणि आर्थिक अडचणींमुळे त्याने देशाच्या सुरक्षेशी गद्दारी करण्यास सुरुवात केली. तो महिलेला संवेदनशील माहिती देऊन तिच्याकडून क्रिप्टोकरन्सी (USDT) स्वरूपात व थेट बँक खात्यांमध्ये पैसे मिळवत होता.