Delhi : कुत्रा चावल्याचं लपवलं, दीड महिन्यांनी लागला तडफडायला; वडिलांच्या मांडीवर सोडला जीव

दिल्ली, 06 सप्टेंबर : उत्तर प्रदेशातील गाझियाबादमध्ये एका १४ वर्षीय मुलाला शेजारी राहणाऱ्यांचा पाळीव कुत्रा चावला होता. तेव्हा घाबरून मुलाने ही गोष्ट घरी सांगितली नाही. मात्र त्याला रेबीजची लागण झाली आणि त्यानंतर मुलाचा अक्षरश: तडफडून मृत्यू झाला. मृत्यू झालेल्या मुलाच्या आजोबांनी दिलेल्या माहितीनुसार, मुलाला काही महिन्यांपूर्वी कुत्रा चावला होता. मात्र भीतीने त्याने ही गोष्ट घरी सांगितली नाही. हळू हळू मुलाची तब्येत बिघडायला लागली. त्याच्यासोबतच्या मित्रांना विश्वासात घेऊन विचारले असता त्यांनी कुत्र्याने चावा घेतला होता अशी माहिती दिली. यानंतर मुलाला उपचारासाठी रुग्णालयात नेण्यात आले. पण उपचारावेळीच त्याचा मृत्यू झाला.