IPS पुरण कुमार मृत्यूप्रकरणात नवा ट्विस्ट, शेवटची 'चिठ्ठी' हाती लागताच बायकोने केली DGP विरोधात तक्रार, मोठा खुलासा समोर

Chandigarh : मंगळवारी स्वतःवर गोळी झाडून आत्महत्या करणारे हरियाणाचे वरिष्ठ आयपीएस अधिकारी वाय. पूरण कुमार यांच्या पत्नी आयएएस अधिकारी अमनीत पी. ​​कुमार यांनी बुधवारी रात्री चंदीगड पोलिसांकडे तक्रार दाखल केली आणि हरियाणाचे डीजीपी शत्रुजीत सिंग कपूर आणि रोहतकचे एसपी नरेंद्र बिजर्निया यांच्याविरुद्ध एफआयआर दाखल करण्याची आणि त्यांच्या अटकेची मागणी केली. हरियाणाचे वरिष्ठ पोलिस अधिकारी वाय. पुरण कुमार यांनी चंदीगड येथील त्यांच्या निवासस्थानी स्वतःवर गोळी झाडून आत्महत्या करण्यामागील कारण शोधण्यासाठी तपास सुरू आहे. दरम्यान, पुरण कुमार यांनी लिहिलेली आठ पानांची सुसाईड नोट समोर आली आहे. आयपीएस अधिकाऱ्याच्या सुसाईड नोटमध्ये अनेक गुपिते उलगडली आहेत. त्यामध्ये त्यांनी आपल्या आत्महत्येसाठी डीजीपी, एडीजीपी आणि एसपी रँकसह 10 अधिकाऱ्यांना जबाबदार धरले आहे.