Manipur Violence: हिंसाचाराबद्दल पश्चात्ताप होतोय, माझ्या चुका माफ करा- मणिपूरच्या मुख्यमंत्र्यांनी जनतेची माफी मागितली

इंफाळ: मणिपूरमध्ये महिन्यांपासून सुरू असलेल्या हिंसाचारावर मुख्यमंत्री एन. बिरेन सिंह यांनी राज्यातील जनतेची माफी मागितली आहे. त्यांनी म्हटले की, हे संपूर्ण वर्ष फारच दुर्दैवी होते. 3 मेपासून आजपर्यंत जे काही घडले, त्यासाठी मी राज्यातील जनतेची माफी मागू इच्छितो. अनेकांनी आपल्या प्रियजनांना गमावले आहे, तर काहींना आपले घर सोडावे लागले आहे. मला याचा पश्चात्ताप होत आहे, मी माफी मागतो. मात्र आता, गेल्या तीन-चार महिन्यांमध्ये शांततेच्या दिशेने झालेल्या प्रगतीनंतर मला आशा आहे की 2025 पर्यंत राज्यात परिस्थिती पूर्वपदावर येईल.