Biggest Income Tax Raid In India: छापे टाकणाऱ्यांना अधिकाऱ्यांना आली चक्कर; सोन्याचा खजिना, कोट्यवधींची कॅश अन् सापडलं 'मिनी मालदीव'

Published by:Jaykrishna Nair

Last Updated:October 29, 2025 8:13 PM IST

Biggest Income Tax Raid: भोपाळमध्ये PWD चे माजी चीफ इंजिनियर गोविंद प्रसाद मेहरा यांच्या घरासह चार ठिकाणी झालेल्या लोकायुक्तांच्या छापेमारीने संपूर्ण प्रशासन हादरले आहे. या रेडमध्ये मिनी मालदीवसारखा आलिशान रिसॉर्ट, करोडो रुपयांची रोकड, सोने-चांदी आणि शेकडो एकरांची मालमत्ता उघडकीस आली.

भोपाळ: आयकर विभाग आणि ईडीकडून टाकण्यात आलेल्या अनेक छापेमारीच्या बातम्या तुम्ही वाचल्या असतील. मात्र आता छाप्याची अशी एक घटना समोर आली आहे ज्याने आतापर्यंतच्या सर्व छापेमारींना मागे टाकले. आयकर विभागाने टाकलेल्या छाप्यात चक्क एका शहराला 'मिनी मालदीव' बनवण्याची तयारी उघडकीस आली. होय ही एक अशी कारवाई होती जिथे कोट्यवधी रुपये, किलोच्या भावात सोने-चांदी सापडले आणि त्यासोबत मिनी मालदीवसारखा रिसॉर्ट उभारण्याची योजना समोर आली.

ही कारवाई झाली होती लोक निर्माण विभागाचे (PWD) माजी मुख्य अभियंता गोविंद प्रसाद (जी.पी.) मेहरा यांच्या भोपाळ येथील निवासस्थानासह चार ठिकाणी. जेव्हा लोकायुक्त पथकाने मेहरांच्या ठिकाणी छापे घातले, तेव्हा केवळ त्यांचे घरच नव्हे, तर मिनी मालदीवसारखा आलिशान रिसॉर्टही समोर आला.

एकाच वेळी ज्या चार ठिकाणी छापे घातले गेले...

-मणिपुरम कॉलनीतील बंगला

-बावडिया कला परिसरातील बंगला

-गोविंदपुरा येथील के.टी. इंडस्ट्रीज फॅक्टरी

-नर्मदापुरम जिल्ह्यातील सोहागपूर तालुक्यातील सैनी गावातील फार्महाऊस

सोहागपूर फार्महाऊस – मिनी मालदीवचं स्वप्न!

या ठिकाणी छापेमारीदरम्यान असा धक्कादायक तपशील समोर आला की गोविंद प्रसाद यांच्या नावावर 32 बांधकामाधीन कॉटेजेस आणि 7 पूर्ण तयार कॉटेजेस, 17 टन मध, खेतीची जमीन, अत्यंत महागडी कृषी यंत्रसामग्री, 6 ट्रॅक्टर, 2 मोठे तलाव, 2 गोशाळा, 2 मत्स्यपालन केंद्र आणि अगदी एक मंदिर सुद्धा नोंदवलेले होते. तसेच येथे मोठ्या प्रमाणात मालमत्तेशी संबंधित कागदपत्रे देखील जप्त करण्यात आली.

रोख रक्कम आणि मौल्यवान धातूंचा खजिना

भोपाळमधील ओपल रीजेन्सी फ्लॅटमध्ये छापेमारीदरम्यान 26 लाख रोख रक्कम, 2 किलो 649 ग्रॅम सोने आणि 5 किलो 523 ग्रॅम चांदी जप्त करण्यात आली. हा फ्लॅट सोन्या-चांदीच्या दागिन्यांनी आणि रोकडने अक्षरशः भरलेला होता.

मणिपुरम कॉलनीतील आलिशान बंगला

भोपालमधील या पॉश भागात असलेल्या बंगल्यातून 8 लाख 79 हजार रोख, सुमारे 50 लाखांच्या सोन्या-चांदीच्या दागिन्या, 56 लाखांच्या फिक्स डिपॉझिट्स (FDs) आणि जवळपास 60 लाखांचा इतर मौल्यवान माल जप्त झाला.

के.टी. इंडस्ट्रीज फॅक्टरी

ही फॅक्टरी PVC पाईप तयार करणारी असल्याचं सांगितलं जात होतं. येथे तपासादरम्यान कच्चा माल आणि तयार पाईप्स, तसेच रोहित मेहरा आणि कैलाश नायक यांची भागीदारी असल्याची माहिती मिळाली. या ठिकाणावरून 1.25 लाख रोख जप्त करण्यात आले.

आलिशान गाड्यांचा ताफाही उघड

जी.पी. मेहरा यांच्या कुटुंबातील सदस्यांच्या नावावर एकूण चार आलिशान कार्स सापडल्या ज्यात फोर्ड एंडेवर, स्कोडा स्लाविया, किया सोनेट आणि मारुती सियाझ यांचा समावेश आहे.

या सर्व छापेमारीत उघड झालेल्या संपत्ती आणि प्रॉपर्टी पाहून तपास यंत्रणादेखील थक्क झाली. मिनी मालदीवसारखा आलिशान रिसॉर्ट, करोडोंचा माल आणि सरकारी अधिकाऱ्याच्या नावावर इतका मोठा खजिना पाहून संपूर्ण प्रशासन हादरून गेले आहे.

view comments

Location :

Mumbai,Maharashtra

First Published :

October 29, 2025 8:13 PM IST

Biggest Income Tax Raid In India: छापे टाकणाऱ्यांना अधिकाऱ्यांना आली चक्कर; सोन्याचा खजिना, कोट्यवधींची कॅश अन् सापडलं 'मिनी मालदीव'

Biggest Income Tax Raid In India: छापे टाकणाऱ्यांना अधिकाऱ्यांना आली चक्कर; सोन्याचा खजिना, कोट्यवधींची कॅश अन् सापडलं 'मिनी मालदीव'

फोटो

ताज्या बातम्या