टार्गेट्स ठरलेले, मृतदेह मोजणे आमचे काम नाही; सर्व पायलट सुखरूप परतले- भारताची पाकला चपराक

'ऑपरेशन सिंदूर'बाबत माहिती देताना एअर मार्शल भारती म्हणाले, आमचे काम अचूकतेने दहशतवाद्यांच्या ठिकाणांना लक्ष्य करणे होते. किती मृत्यू झाले, किती जखमी झाले हे मोजणे आमचे उद्दिष्ट नव्हते. आमचा हेतू दहशतवाद्यांना धक्का देणे हा होता. त्यामुळे ज्या पद्धतीने आणि साधनांनी आपण कारवाई केली. त्याचा अपेक्षित परिणाम झाला आहे. मृतदेह मोजणं आमचं काम नाही, हे त्यांनीच (पाकिस्तानने) मोजायचं आहे.

लष्करी संचालन महासंचालक (DGMO) आणि एअर मार्शल ए. के. भारती यांनी पत्रकार परिषदेत माहिती दिली की, पाकिस्तानकडून भारताच्या लष्करी तळांवर हल्ला करण्याचे प्रयत्न करण्यात आले. मात्र भारताच्या हवाई संरक्षण यंत्रणेने हे सर्व प्रयत्न हाणून पाडले. आम्ही काही पाकिस्तानी विमाने पाडली आहेत, असे भारती यांनी सांगितले.