Indore Couple Missing: 'सोनम-राजमध्ये प्रेमसंबंध नव्हते, तर...', कुशवाहच्या बहिणीकडून भलताच खुलासा

Indore Couple Missing Case: मध्य प्रदेशातील इंदूर येथील राजा रघुवंशी आणि सोनम रघुवंशी अलीकडेच हनिमूनसाठी मेघालयातील शिलाँगला गेले होते. हनिमूनदरम्यान राजाची हत्या करण्यात आली. या प्रकरणात पत्नी सोनम रघुवंशीला अटक केल्यानंतर विविध खुलासे समोर येत आहेत. सोनमनेच आपला प्रियकर राज कुशवाह याला हाताशी धरून राजाची हत्या केल्याचं तपासात समोर आलं आहे. राजने आपल्या तीन मित्रांना सुपारी देऊन हे हत्याकांड घडवल्याचं देखील समोर आलं. या प्रकरणी पोलिसांनी सोनमसह तिचा प्रियकर राज आणि इतर तीन जणांना अटक केली आहे. या पाचही जणांची चौकशी केली असता याबाबत विविध खुलासे समोर येत आहेत.