Indore Couple Missing: राजा रघुवंशीचा खून करणारी सोनम गरोदर? प्रेग्नन्सी टेस्टमध्ये काय समोर आलं?

Raja Raghuwanshi Honeymoon Murder Case: राजा रघुवंशी हत्याकांडातील आरोपी सोनम रघुवंशीची सोमवारी वैद्यकीय चाचणी करण्यात आली. डॉक्टरांच्या तीन सदस्यीय महिला वैद्यकीय पथकाने सोनमची सविस्तर वैद्यकीय तपासणी केली. ज्यामध्ये तिच्या मानसिक आणि शारीरिक स्थितीची तपासणी करण्यात आली. वैद्यकीय सूत्रांनुसार, सोनम अत्यंत घाबरलेली आणि मानसिकदृष्ट्या धसका घेतलेल्या अवस्थेत दिसत होती. तपासणीदरम्यान, तिला अशक्त वाटत होतं, ज्यामुळे तिला सकाळपासून एनर्जी ड्रिंक्स आणि ज्यूस देण्यात आले. रिपोर्टनुसार, सोनमच्या शरीरावर कोणतीही बाह्य जखम किंवा खुणा आढळल्या नाहीत.