लोकांनी मारले टोमणे, पण पतीनं दिला पाठिंबा, महिलेनं करुन दाखवलं, ट्रॅक्टरचं स्टेअरिंग घेतलं हातात अन्...

गोड्डा : फक्त शहरच नाही तर आता गावातील महिलाही आता मोठ्या प्रमाणात प्रगती करत आहेत. शहरात महिला कार चालवताना तुम्ही पाहिले असेल. मात्र, आता गावातील महिलांनीही ट्रॅक्टरचं स्टेअरिंग सांभाळले आहे. आज अशाच एका महिलेची कहाणी आपण आज जाणून घेणार आहोत.

अंशु देवी असे या महिलेचे नाव आहे. त्यांनी चूल आणि मूल इतकंच मर्यादित न राहता आता स्वत: शेतात ट्रॅक्टरचे स्टेअरिंग सांभाळले आहे. त्या गोड्डाच्या मेहरमा येथील आहे. त्या आज संपूर्ण जिल्ह्यासाठी आदर्श बनल्या आहेत. राज्य सरकारच्या JSLPS या योजनेंतर्गत महिला गटात सहभागी झाल्यानंतर अंशू यांना व्याजदरावर मिनी ट्रॅक्टर देण्यात आला. यानंतर अंशू या आता पुरुषांप्रमाणे स्वतः शेती करतात आणि ट्रॅक्टरही चालवतात आणि समाजात सन्मानाने वावरत आहेत. त्यांच्या ग्रुपने त्यांना हा ट्रॅक्टर दिला आहे.