मावळातील उत्खनन प्रकरणाला नवं राजकीय वळण, आमदाराच्या कुटुंबियांवर आरोप

मावळ तालुक्यातील अवैध उत्खनन प्रकरणामुळे आधीच राज्यभर चर्चा सुरू असताना आता आणखी एक खळबळजनक आरोप समोर आला आहे. उद्योजक रणजित काकडे यांनी आमदार सुनील शंकरराव शेळके यांच्या कुटुंबीयांच्या मालकीच्या नानोली (ता. मावळ) येथील वनीकरणासाठी आरक्षित जमिनीत विना परवानगी उत्खनन करण्यात आल्याचा थेट आरोप केला आहे. या कथित उत्खननामुळे हजारो झाडांची कत्तल झाल्याचा दावा काकडे यांनी केला असून, त्यामुळे आमदार शेळके यांच्यावर त्वरित कारवाई होणार का, असा थेट सवाल त्यांनी उपस्थित केला आहे.