Rain Update: परतीचा पाऊस कधी सुरू होणार? किती दिवस असणार जोरदार पाऊस? हवामान तज्ज्ञ सांगतात...

हवामान शास्त्रज्ञ डाॅ. रामचंद्र साबळे सांगतात की, "बंगालच्या उपसागराकडून येणाऱ्या ढगांमुळे पावसाची पोषक स्थिती निर्माण होत आहे. हवेचा दाब हा 1002 हेप्टापास्कलपर्यंत खाली येऊन 1 सप्टेंबरपासूनच परतीच्या पावसाला सुरूवात होईल. हा पाऊस 20 ऑक्टोबरपर्यंत राहील."

सध्या हवेचा दाब वाढल्यामुळे पावसाने उघडीप घेतली आहे, ढग कमी झाले आहे. त्यामुळे सूर्यप्रकाशही थेट मिळतो आहे. पुढे 2 दिवस पावसाची शक्यता कमी आहे, अशीही माहिती वेधशाळेकडून मिळालेली आहे. यंदाचा पाऊस जोरदार होता. 230 मिलीमीटर नोंद झाली आहे. जुन-जुलै महिन्यात पाऊस कमी पडला, परंतु ऑगस्ट महिन्यात सरासरीपेक्षा जास्त कोसळला. 23 ऑगस्टपर्यंत 102 टक्के पाऊस झालेला आहे.

प्रशांत महासागर अमेरिकेच्या पूर्वभागात आहे. या सागराच्या तापमानातील चढ-उतारामुळे आशिया खंडातील हवामानावर परिणाम जाणवतो. इथे हवामान थंड असेल तर पाऊस जास्त होतो, तर तापमान जास्त असेल तर दुष्काळाची शक्यता असते. सध्या प्रशांत महासागराच्या पूर्व किनाऱ्यावर पेरूजवळ 15 अंश आणि इक्वेडारजवळ 17 अंश सेल्सियस तापमान आहे. त्यामुळे इथले तापमान थंड आहे, परिणामी पाऊस लांबण्याची शक्यता आहे.