आज मौनी अमावस्या! 'या' वस्तूंचं दान केलं तर दारिद्र्य होईल दूर, राशीनुसार कोणी काय दान करावं?

आज पौष महिन्यातील पुण्यपर्व असलेली 'मौनी अमावस्या' साजरी केली जात आहे. हिंदू धर्मात या दिवशी दानधर्माला अनन्यसाधारण महत्त्व आहे. शास्त्रानुसार, मौनी अमावस्येला केलेले दान हे 'अक्षय' ठरते, म्हणजेच त्याचे फळ कधीही संपत नाही. विशेषतः आज शनीच्या मकर राशीत अनेक ग्रहांची युती असल्याने, आपल्या राशीनुसार दान केल्यास ग्रहदोष दूर होऊन भाग्योदय होतो. आज आपण जाणून घेऊ की, कोणत्या राशीच्या जातकांनी आज कोणत्या वस्तूंचे दान करावे, ज्यामुळे त्यांना मानसिक शांती आणि आर्थिक स्थैर्य लाभेल.

मेष : मेष राशीचा स्वामी मंगळ आहे. आज तुम्ही गरजू लोकांना गुळ आणि तीळ दान करावे. यामुळे तुमच्या आरोग्यात सुधारणा होईल आणि मंगळाचा शुभ प्रभाव वाढेल.

वृषभ : शुक्र हा तुमचा स्वामी आहे. पांढऱ्या वस्तूंचे दान करणे तुमच्यासाठी फलदायी ठरेल. आज तांदूळ, साखर किंवा दूध दान करा. यामुळे वैवाहिक आयुष्यातील तणाव कमी होईल.

मिथुन : बुध ग्रहाच्या शांतीसाठी आज हिरवी मूग डाळ किंवा हिरवे कापड दान करावे. गाईला हिरवा चारा खाऊ घातल्याने तुमच्या बुद्धीचा विकास होईल आणि व्यवसायात प्रगती होईल.

कर्क : मानसिक शांततेसाठी कर्क राशीच्या लोकांनी आज पांढरे वस्त्र किंवा चांदीचे काही दान करावे. आज गरिबांना साबुदाण्याची खीर खाऊ घालणे देखील अत्यंत शुभ मानले जाते.

सिंह : तुमचा स्वामी सूर्य आहे. आज गहू आणि तांब्याचे भांडे दान करा. यामुळे समाजात तुमचा मान-सन्मान वाढेल आणि सरकारी कामात यश मिळेल.

कन्या : कन्या राशीच्या लोकांनी आज तीळ आणि हिरव्या पालेभाज्या दान कराव्यात. तसेच लहान मुलींना शैक्षणिक साहित्य दिल्यास तुमच्या प्रगतीतील अडथळे दूर होतील.

तूळ : ऐश्वर्यप्राप्तीसाठी तूळ राशीच्या लोकांनी अत्तर, पांढरे फूल किंवा तेल दान करावे. शनी मंदिरात जाऊन मोहरीच्या तेलाचा दिवा लावल्याने अडकलेली कामे मार्गी लागतील.

वृश्चिक : वृश्चिक राशीच्या लोकांनी लोखंडी वस्तू किंवा लाल रंगाचे वस्त्र दान करावे. यामुळे शत्रूंचा नाश होईल आणि कर्जाच्या समस्येतून सुटका मिळेल.

धनु : गुरु हा तुमचा स्वामी आहे. आज चणा डाळ, हळद किंवा पिवळे फळ दान करा. यामुळे आध्यात्मिक प्रगती होईल आणि भाग्याची साथ मिळेल.

मकर : तुमच्याच राशीत पाच ग्रह एकत्र आले आहेत. आज काळे तीळ, ब्लँकेट किंवा जोडे दान करणे अत्यंत आवश्यक आहे. यामुळे शनीची साडेसाती सुसह्य होईल.

कुंभ : कुंभ राशीच्या लोकांनी आज अन्नदान करावे. विशेषतः उडदाच्या डाळीची खिचडी गरिबांना वाटल्याने तुमच्या तिजोरीतील बरकत वाढेल.

मीन : मीन राशीच्या लोकांनी धार्मिक पुस्तके किंवा पिवळे रेशमी वस्त्र दान करावे. यामुळे मनातील विचलितपणा दूर होऊन मानसिक स्थैर्य लाभेल. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)