Numerology: 3, 12, 21, 30 यापैकीच एक आहे तुमची जन्मतारीख? मग पाहा उपयुक्त अंकशास्त्र टिप्स

गुरू हा मूलांक ३ चा अधिपती आहे - अंकशास्त्रानुसार, मूलांक ३ चा अधिपती गुरू ग्रह आहे. तो देवांचा गुरु आहे. गुरु ज्ञानाशी संबंधित आहे. त्यामुळे मूलांक ३ असलेले लोक ज्ञानी असतात आणि त्यांना इतरांना ज्ञान देणंही आवडतं. यासाठी मूलांक ३ असलेल्या लोकांचे नाव शुभ अक्षराने सुरू झाले पाहिजे.

मूलांक ३ चे शत्रू अंक - मूलांक ३ चा अधिपती ग्रह गुरू असून त्याचा विरोधी किंवा शत्रू क्रमांक ६ आहे. मूलांक ६ चा अधिपती ग्रह शुक्र आहे, त्याला राक्षसांचा गुरु मानलं जातं. अनेक अंकशास्त्रज्ञ सांगतात की ३ आणि ६ ची बेरीज ३६ होते. त्यांचे एकमेकांशी चांगले जुळत नाही.

मूलांक ३ असलेल्यांसाठी अशुभ अक्षरे - ३ मूलांकाच्या विरुद्ध मूलांक ६ आहे. अंकशास्त्रानुसार, U, V आणि W चे मूल्य ६ आहे, ते शुक्राची ऊर्जा दर्शवतात. म्हणून, मूलांक ३ असलेल्या लोकांच्या नावांची सुरुवात U, V आणि W सारख्या अक्षरांनी होऊ नये. अंकशास्त्रात, संपूर्ण नावासह पहिल्या अक्षराचे मूल्य महत्त्वाचे आहे.

मूलांक ३ साठी लकी अक्षरे - अंकशास्त्रानुसार, ३ मूलांकाच्या लोकांसाठी १, २, ५ आणि ९ मूलांक संख्या लकी आहेत. १ चा अधिपती ग्रह सूर्य आहे, २ चा अधिपती ग्रह चंद्र आहे, ५ चा अधिपती ग्रह बुध आहे आणि ९ चा अधिपती ग्रह मंगळ आहे. या आधारे मूलांक ३ असलेले लोक A, I, J, Q, Y, B, K, R, E, H, N, X, F आणि P या अक्षरांपासून सुरू होणारी नावे निवडू शकतात. A, I, J, Q आणि Y चे मूल्य १, B, K आणि R चे मूल्य २, E, H, N आणि X चे मूल्य ५, तर F आणि P चे मूल्य ९ आहे. अशी अक्षरे मूलांक ३ असलेल्यांसाठी देखील फायदेशीर ठरू शकतात. 

मूलांक ३ साठी उपाय - जर मूलांक ३ असलेल्या व्यक्तीचे नाव वर दिलेल्या शुभ अक्षराने सुरू होत नसेल, तर ते त्यांच्या पूर्ण नावाचे मूल्य त्यांच्या संख्येनुसार आणि भाग्य संख्येनुसार करण्यासाठी चांगल्या अंकशास्त्रज्ञांचा सल्ला घेऊ शकतात. यामुळे त्यांच्या नावाला शुभ परिणाम मिळू शकतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)