Shani vakri 2025: यंदा श्रावणातच शनी हात धुवून मागे लागणार, ऑक्टोबरपर्यंत 3 राशींना मोठे नुकसान

ज्योतिषशास्त्रात शनिला कर्मफळ दाता आणि न्यायाधीश मानले जातात. ते व्यक्तीला त्याच्या चांगल्या-वाईट कर्मांनुसार फळ देतात. जेव्हा शनि वक्री होतो, तेव्हा त्याचे परिणाम अधिक गांभीर्याने घेतले जातात.

शनी वक्री होण्याचे परिणाम प्रत्येक व्यक्तीसाठी भिन्न असू शकतात. हे व्यक्तीच्या कुंडलीतील शनीच्या स्थितीवर, तो कोणत्या राशीत वक्री होत आहे, आणि कोणत्या भावात (घरात) स्थित आहे, यावर अवलंबून असते.

श्रावण महिना 25 जुलैपासून सुरू होईल आणि 23 ऑगस्टपर्यंत चालू राहील. याच वेळी, शनि 13 जुलैपासून वक्री होईल आणि २८ नोव्हेंबरपर्यंत वक्र वाटचाल करेल. म्हणजेच, शनी श्रावण महिन्याच्या काळात वक्री राहील. शनीची ही वक्री चाल या ३ राशींच्या लोकांसाठी खूप अशुभ ठरू शकते. 

मेष राशीच्या लोकांनी शनि वक्री असताना खूप सावधगिरी बाळगली पाहिजे. जीवनात अनेक अडचणी येऊ शकतात. अनावश्यक खर्च तुमचा खिसा मोठ्या प्रमाणात रिकामा करतील. वैयक्तिक जीवनात कलह आणि तणाव निर्माण होऊ शकतो.

शनीच्या वक्री चालीमुळे मिथुन राशीच्या लोकांसाठीही नुकसान होऊ शकते. गुंतवणुकीतून नुकसान होण्याची शक्यता आहे. तुम्हाला गंभीर आर्थिक संकटाचा सामना करावा लागू शकतो.

शनीच्या वक्री चालीमुळे वृश्चिक राशीच्या लोकांसाठी नुकसान आणि ताण निर्माण होईल. तुमचे मन अस्वस्थ राहील. चुकीचे निर्णय घेण्याचे टाळा. आर्थिक स्थिती वाईट राहू शकते. नोकरी करणाऱ्यांना आव्हानांचा सामना करावा लागू शकतो.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)