प्रसिद्ध गायिकेची गिनीज बुक ऑफ वर्ल्ड रेकॉर्डमध्ये नोंद, 3800 मुलांसाठी बनली देवदूत

भारतात कला ही फक्त मनोरंजनाचं साधन नाही, तर समाजसेवा आणि लोकांना एकत्र आणण्याचं माध्यम मानली जाते. आपल्या देशात असे अनेक कलाकार झाले आहेत ज्यांनी आपल्या कलेने लोकांची मनं जिंकलीच नाहीत, तर समाजात बदल घडवून एक उदाहरणही निर्माण केलं. भारतामध्ये कलेचं खरं उद्दिष्ट फक्त नाव किंवा प्रसिद्धी मिळवणं नाही, तर आपल्या कलेच्या माध्यमातून मानवतेसाठी काहीतरी चांगलं करणं आहे. नुकतीच बॉलिवूडची एक प्रसिद्ध गायिका 3800 मुलांसाठी देवदूत बनली आहे.

बॉलिवूडच्या या प्रसिद्ध गायिकेचा आवाज नेहमी मनाला भिडतो, पण अलीकडेच तिने असं काही केलं आहे की ज्याने सगळ्यांच्या डोळ्यांत आनंदाश्रू येतील. विशेष म्हणजे या कृतीनंतर गायिकेचं नाव गिनीज वर्ल्ड रेकॉर्ड्समध्ये नोंदवले गेले आहे.

बॉलिवूडची प्रसिद्ध गायिका पलक मुच्छल सध्या चर्चेत आहे. 30 मार्च 1992 रोजी मध्यप्रदेशातील इंदूर येथे जन्मलेल्या पलकने लहानपणापासूनच शिकले आहे की संगीत हे फक्त ऐकण्यासाठी नसतं, तर ते एखाद्याचं जीवन वाचवण्याची ताकदही असतं. पलकने वयाच्या 6 व्या वर्षी रस्त्यावर गाणं गाऊन कारगिलच्या शहीद आणि गरीब मुलांसाठी निधी गोळा केला होता.

पलकच्या या कामाची दखल घेत तिचं नाव गिनीज बुक ऑफ वर्ल्ड रेकॉर्ड्स आणि लिम्का बुक ऑफ रेकॉर्ड्समध्ये नोंदवलं गेलं आहे.

पलक मुच्छल 6 नोव्हेंबर 2022 रोजी प्रसिद्ध संगीतकार मिथून शर्मा यांच्यासोबत लग्नबंधनात अडकली. विशेष म्हणजे त्यांच्या पालकांनी त्यांचं लग्न ठरवलं होतं. दोघांनी अनेक सुंदर गाण्यांची निर्मिती केली आहे.

पलक मुच्छलने 2011 मध्ये 'दमादम' या चित्रपटाच्या माध्यमातून आपल्या गायन कारकिर्दीची सुरुवात केली. त्यानंतर त्यांनी ‘एक था टायगर’, ‘आशिकी 2’, ‘किक’, ‘प्रेम रतन धन पायो’, ‘एम.एस. धोनी: द अनटोल्ड स्टोरी’, ‘काबिल’ आणि ‘बागी 2’ सारख्या चित्रपटांसाठी गाणी गायली.

पलक मुच्छलच्या सुपरहिट गाण्यांमध्ये ‘कौन तुझे’, ‘चाहूं मैं या ना’ आणि ‘जुम्मे की रात’ यांचा समावेश आहे. आजही ही गाणी अनेकांची फेव्हरेट असून आवडीने ऐकली जातात.