'प्रायव्हेट पार्टमध्ये रॉड घालेन...' सेलिना जेटलीचा अमानुष छळ, फॉरेनर नवऱ्यावर गंभीर आरोप

बॉलिवूड अभिनेत्री सेलिना जेटलीच्या वैयक्तिक आयुष्यात मोठा उलथापालथ झाली आहे. सेलिनाचा भाऊ UAE च्या जेलमध्ये आहे, तर दुसरीकडे सेलिनाने तिच्या फॉरेनर नवऱ्याला घरगुती हिंसाचाराच्या आरोपाखाली कोर्टात खेचलं आहे. सेलिना आणि तिचा नवरा पीटर यांनी कोर्टात डिवोर्स फाइल केला आहे.

सेलिनाने सोशल मीडियावर पोस्ट लिहित तिच्या भावना व्यक्त केल्या. दरम्यान, सेलिनाने तिच्या नवऱ्यावर गंभीर आरोप केले आहेत. अपशब्द, ब्लॅकमेलिंग ते सेक्शुअली टॉर्चर केल्याचं सेलिनाने सांगितलं आहे.

हिंदुस्तान टाइम्सला दिलेल्या मुलाखतीत बोलताना सेलिनाने तिच्या संसारात सुरू असलेल्या भयंकर घटना सांगितल्या. ती म्हणाली, "त्याचा राग आणि दारूच्या व्यसनामुळे माझं वैवाहिक आयुष्य खूप कठीण होतं. तो मुलांसमोर शिव्या द्यायचा."

सेलिनाने असंही सांगितलं की, तिचा नवरा तिला दुसऱ्या पुरुषांसोबत संबंध ठेवण्यास सांगत होता. त्याची कंपनीतील पोझिशन चांगली व्हावी यासाठी त्याच्याच कंपनीतील एका माणसासोबत तिला सेक्शुअल रिलेशन ठेवण्यासाठी दबाव टाकत होता.

सेलिनाने तिच्या आरोपपत्रात पीटरने तिच्या फॅमिलीकडे महागड्या भेटवस्तू मागितल्याचं सांगितलं. भारतीय जावयाला सासरच्या मंडळींकडून महागड्या भेटवस्तू मिळतात हे त्याला माहीत होतं. त्यामुळे त्याने सेलिनाच्या कुटुंबाकडे महागडे कपडे, दागिन्यांची मागणी केली होती. सेलिनाच्या कुटुंबीयांनी पीटरला 6 लाखांचं डिझाइनर कफलिंक सेट गिफ्ट दिला होता. 10 लाखांचे दागिने देखील भेट म्हणून दिले होते.

सेलिनाने असंही सांगितलं की, ती जुळ्या मुलांची आई झाली तेव्हा तिने पीटरला पॅटर्निटी लिव्ह घ्यायला सांगितलं होतं, पण त्याने तिला हाताला धरून घरातून बाहेर काढलं. सेलिना तेव्हा ब्रेस्टफिडिंग ड्रेसमध्ये होती. अशा अवस्थेत त्याने तिला घराबाहेर काढलं. यावेळी शेजाऱ्यांनी तिची मदत केली.

सेलिनाने पुढे केलेले आरोप अत्यंत धक्कादायक होते. ती म्हणाली, 2012 मध्ये दिल्ली गँगरेपची घटना घडली होती. या काळात दोघांमध्ये भांडणं झाली होती. तेव्हा पीटरने सेलिनाला तिच्या वजायनामध्ये रॉड टाकेन अशी धमकी दिली होती.