अभिनेत्री शर्मिष्ठा राऊतला कन्यारत्न! नाव ठेवलं 'रूंजी', अर्थ आहे खूपच युनिक

मन उधाण वाऱ्याचे या मालिकेतून टेलिव्हिजन विश्वात पदार्पण करणारी अभिनेत्री शर्मिष्ठा राऊत हिनं मराठीसह हिंदी मालिकांमध्ये दमदार अभिनयाची छाप पाडली.अनेक मालिका आणि सिनेमांमध्ये काम केल्यानंतर शर्मिष्ठा निर्माती देखील बनली.

अनेक मराठी मालिकांची तिनं निर्मिती केली. अभिनेत्री, निर्माती यानंतर शर्मिष्ठाने तिच्या आयुष्यात नवी इनिंग केली आहे.

शर्मिष्ठा राऊत आई झाली असून तिना कन्यारत्न प्राप्त झालं आहे. शर्मिष्ठाच्या मुलीचं नुकतंच बारसं पार पडलं.

लॉकडाऊनच्या काळात शर्मिष्ठा राऊत हिनं तेजस देसाईबरोबर लग्न केलं. लग्नाच्या चार वर्षांनी दोघेही आई-बाबा झाले आहेत. दोघेही मुलीच्या जन्मानंतर पॅरेंटहुड एन्जॉय करत आहेत.

शर्मिष्ठा आणि तेजस यांनी मुलीचं रूंजी असं सुंदर नाव ठेवलं. मुलीच्या नावाचा अर्थ देखील शर्मिष्ठाने बारशाच्या वेळी सांगितला.

शर्मिष्ठा आणि तेजस यांनी लेकीच्या बारशासाठी पारंपरिक मराठमोळा पेहराव केला होता. शर्मिष्ठानं पांढऱ्या-लाल रंगाची नऊवारी साडी नेसली होती. तर तर तेजसनं पांढरा कुर्ता, थोती आणि लाल पेठणी जॅकेट परिधान केलं होतं. दोघेही फार सुंदर दिसत होते.

या समारंभाला अनेक कलाकार मंडळींनी खास उपस्थिती लावली होती. बारशाच्या कार्यक्रमात शर्मिष्ठा आणि तेजसच्या मुलीच्या नावाचाही सुंदर उलगडा झाला.

शर्मिष्ठानं सांगितलं की, "रुंजी म्हणजे अकस्मात सुंदर. आणि दुसरा अर्थ असा की मनात रुंजी घालणारी, म्हणजे अशी व्यक्ती जी एकदा मनात आली की ती तिथून सहज निघत नाही."