Hair on Toe Sign : पायाच्या बोटांवर केस नसणे म्हणजे गंभीर आजाराचा धोका? MBBS डॉक्टरने सांगितले हेल्दी आरोग्याचे संकेत

आपले शरीर एक अद्भुत यंत्र आहे. काही वेळा मोठे आजार येण्यापूर्वी किंवा गंभीर समस्या निर्माण होण्याआधी, शरीर आपल्याला लहान-सहान लक्षणांच्या स्वरूपात काही महत्त्वाचे संकेत (Health Signs) देत असते. आपण त्वचेवरील डाग, नखांमधील बदल किंवा डोळ्यातील रंग पाहून काही आरोग्य समस्या ओळखू शकतो. पण तुम्हाला माहीत आहे का, पायाच्या बोटांवरचे केस (Hair on Toes) देखील तुमच्या आरोग्याबद्दल, विशेषत: रक्ताभिसरण आणि चयापचय बद्दल खूप महत्त्वाचे गुपित सांगतात?

एमबीबीएस डॉक्टर श्रद्धाीय कटियार यांनी आपल्या सोशल मीडिया अकाउंटवरुन याबद्दलची माहिती दिली आहे. त्यांनी सांगितले की तुमच्या पायाच्या बोटावर असलेले केस तुमच्या आरोग्याची माहिती देतात. ते केस गळू लागले किंवा पातळ झाले तर तो रेड प्लॅग आहे असं समजावं.

खरंतर बहुतांश लोकांना हातावर किंवा पायावर केस असलेले आवडत नाहीत. सहसा मुलींना असे केस अंगावर आवडत नाहीत त्यामुळे ते वॅक्स करुन किंवा शेव करुन काढतात. पण हे पायाच्या अंगठ्यावरील केस खूप काही सांगतात. चला त्याबद्दल जाणून घेऊ.

केसांच्या मुळांना (Hair Follicles) जिवंत राहण्यासाठी आणि वाढण्यासाठी स्थिर तसेच मजबूत रक्तप्रवाहाची आवश्यकता असते. जेव्हा शरीरातील रक्ताभिसरण व्यवस्थित असते, तेव्हा केसांची वाढ चांगली आणि मजबूत राहते. पायांवर केस असण्याचा अर्थ तुमच्या शरीरात पायापर्यंत रक्तपुरवठा चांगल्यापद्धतीने होत आहे.

इन्सुलिनचा केसांवर कसा परिणाम होतो?दीर्घकाळ इन्सुलिन प्रतिरोध किंवा सतत वाढलेली रक्तातील साखर तुमच्या रक्तवाहिन्यांना हळूहळू नुकसान पोहोचवते. जास्त इन्सुलिन आणि ग्लुकोजमुळे रक्तवाहिन्या कडक होतात आणि त्यांच्या लवचिकतेवर परिणाम होतो. यामुळे शरीराच्या दूरच्या भागांमध्ये, जसे की हात-पायांच्या बोटांमध्ये, रक्तपुरवठा कमी होतो.

रक्तप्रवाह कमी झाल्यास काय होते?जेव्हा बोटांपर्यंत रक्तपुरवठा कमी होतो, तेव्हा केसांना आवश्यक पोषण मिळत नाही. परिणामी, पायाच्या बोटांवरील केस हळूहळू पातळ होतात किंवा पूर्णपणे गळून जातात. म्हणूनच: पायाच्या बोटांवरचे केस हे तुमच्या रक्तवाहिन्यांचे आरोग्य अप्रत्यक्षपणे दर्शवतात. जर हे केस गळत असतील, तर ते कमी झालेल्या रक्तप्रवाहाचा संकेत असू शकतो, ज्याचा थेट संबंध अनेकदा इन्सुलिनच्या समस्यांशी जोडलेला असतो.

ही लक्षणे दिसल्यास त्वरित डॉक्टरांचा सल्ला घ्याकेवळ केस गळणे हा एकटा आजार नाही, पण जर हे लक्षण खालीलपैकी कोणत्याही लक्षणांसोबत आढळले, तर सावधगिरी बाळगणे आवश्यक आहे.

पाय नेहमी थंड राहणे (Cold Feet)पायांना बधिरता किंवा मुंग्या येणे (Numbness or Tingling)जखमा लवकर बऱ्या न होणे (Slow-healing cuts)चालताना पायात किंवा पोटरीत गोळा येणं (Leg cramps on walking)

वरीलपैकी कोणतीही लक्षणे पायाच्या बोटांवरील केस गळण्यासोबत दिसत असल्यास, तुम्ही त्वरित तुमच्या डॉक्टरांचा सल्ला घ्यावा आणि रक्तातील साखर (Sugar Levels), इन्सुलिनचे प्रमाण (Insulin Markers) आणि रक्ताभिसरण तपासणी (Circulation Check) करून घेणे आवश्यक आहे. कारण ही लक्षणे मधुमेह (Diabetes) किंवा पेरिफेरल आर्टरी डिसीज (Peripheral Artery Disease) सारख्या समस्यांची पूर्वचिन्हे असू शकतात.