विदर्भात पावसाचा जोर ओसरला! आज 'या' जिल्ह्यात वीजांच्या कडकडाट बरसणार

राज्यात पावसाचा जोर कमी झालाय. तरीही तुरळक ठिकाणी पाऊस अजूनही सुरूच आहे. 29 सप्टेंबरला विदर्भात तुरळक ठिकाणी विजांच्या कडकडाटासह पाऊस झालाय. तर काही ठिकाणी कडक उन्हाचे चटके बसल्याची माहिती मिळाली आहे.

विदर्भात पावसाचा जोर काहीसा ओसरलाय. तरीही आज 30 सप्टेंबरला विदर्भातील काही जिल्ह्यांमध्ये जोरदार पावसाची शक्यता हवामान विभागाने वर्तवली आहे.

भंडारा, नागपूर, यवतमाळ, वर्धा या जिल्ह्यांमध्ये विजांच्या कडकडाटासह आणि सोसाट्याच्या वाऱ्यासह जोरदार पावसाची शक्यता असल्याची माहिती हवामान विभागानं दिली आहे.

पावसाचा जोर ओसरल्याने सर्वाधिक आनंद हा शेतकऱ्यांना झालाय. शेतीची रखडलेली कामे आता शेतकरी पुन्हा करायला घेणार आहेत. विदर्भातील ज्या भागांत काल उन्हाचे चटके बसलेत त्या भागात पुन्हा पाऊस आपले आगमन करणार का? असा प्रश्न नागरिकांमध्ये उपस्थित झालाय.

अमरावतीमध्ये कडाक्याचे उन असल्याची माहिती मिळाली आहे. राज्यात आजही काही जिल्ह्यांना हवामान विभागाकडून येलो अलर्ट देण्यात आला आहे. तर काही जिल्ह्यांत जोरदार पावसाची शक्यता वर्तवण्यात आली आहे.