Nepal Bus Accident : आता उरल्या फक्त आठवणी आणि फोटो, नातेवाईकांचा हृदय पिळवटून टाकणारा आक्रोश

नेपाळला दर्शनासाठी गेलेल्या जळगावच्या भाविकांच्या बसला अपघात झाला होता. बस नदीत कोसळल्याने 27 जणांचा मृत्यू झालाय तर काही जण जखमी झाले आहेत.

बसमध्ये एकूण 40 जण होते. नेपाळमधल्या पोखरा शहराकडून काठमांडूला जाताना हा अपघात झाला आहे.

मृतांमध्ये जळगावच्या जिल्ह्यातील अनेक भागातील लोकांचा समावेश असल्याची माहिती आहे.

भाविकांचे मृतदेह हे जळगाव विमानतळ येथे दाखल होणार असून हे मृतदेह घेण्यासाठी 26 रुग्णवाहिका पोहचल्या आहेत.

या रुग्णवाहिकांसोबत केंद्रीय क्रीडा राज्यमंत्री रक्षा खडसे, आमदार संजय सावकारे हेदेखील असणार आहेत. हे मृतदेह नातेवाईकांच्या ताब्यात देण्यात येणार असून त्यांच्यावर अंत्यसंस्कार करण्यात येणार आहे.

दरम्यान, मृतदेह नेण्यासाठी आलेल्या नातवाईकांनी आक्रोश मांडला आहे.