Latur News : देवा इतका क्रूरपणा का? तो चाकात अडकला अन् 2 किमी फरफटत गेला, शरीराचे झाले 2 तुकडे

रविवारचा दिवस राज्यात अपघात वार ठरला. वेगवेगळ्या अपघातात चौघांनी आपला जीव गमावला. पहाटे वरळीत पती-पत्नीला कारने उडवलं. यामध्ये महिलेचा मृत्यू झाला. तर दुपारी संभाजीनगरमध्ये दाम्पत्याला कारने उडवलं. यात दोघांचाही जागीच मृत्यू झाला. ह्या घटना ताज्या असतानाच लातूरमध्ये एक भयानक अपघात घडला.

लातूर जिल्ह्यातील तूळजापुर महामार्गावर भीषण अपघातात ट्रकने दुचाकीचालकाला चिरडलं. धक्कादायक म्हणजे अपघातानंतर दुचाकीला 2 किलोमीटर फरफटत नेलं.

या भीषण अपघातात दुचाकीस्वाराचा जागीच मृत्यू झाला. ट्रकने फरफटत नेल्याने चालकाचा मृतदेह छिन्नविछीन्न झाला.

अपघाताचे फोटो पाहून कुणाच्या मनात धडकी भरेल असेच आहेत. या प्रकरणी पोलीस तपास करत आहे.

दोन किलोमीटर फरफटत नेल्यानंतरही दुचाकी ट्रकच्या 2 चाकांमध्येच अडकलेल्या अवस्थेत होती.