Ratnagiri Accident : मुंबई गोवा महामार्गावर चार वाहनांचा विचित्र अपघात, गाड्यांचा झाला चक्काचूर, हादरवून टाकणारे Photo

Ratnagiri Accident News : खेड,रत्नागिरी : मुंबई गोवा महामार्गावरून सध्या चाकरमानी परतीच्या प्रवासाला निघाले आहेत.या दरम्यान त्यांना वाहतूक कोंडीचा सामना करावा लागतो आहे.या दरम्यानच महामार्गावर विचित्र अपघात झाल्याची घटना घडली आहे.

मुंबई गोवा महामार्गावर रत्नागिरी जिल्ह्यातल्या खेड मधील कळंबनी गावाने जिक सीएनजी पंपासमोर चार वाहनांचा विचित्र अपघात झाला आहे. दोन व्हॅगनार आणि दोन ईरटीका अशा या चार गाड्या होत्या.

सिंधुदुर्ग जिल्ह्यातील वैभववाडी येथून मुंबईला निघालेल्या वॅगनार कारचे नियंत्रण सुटल्याने हा अपघात घडल्याची माहिती आहे.

व्हॅगनार कारचालकाच कारवरील नियंत्रण सुटल्याने हा अपघात झाल्याची माहिती आहे.व्हॅगनार कारचालकाने तीन वाहनांना भीषण धडक दिली होती.

या घटनेत व्हॅगनार कार मधील दोन जण गंभीररीत्या जखणी झाले आहेत. तर सुदैवाने कोणतीही जिवितहानी झालेली नाही आहे.या अपघातात चारही वाहनांचे मोठे नुकसान झाले आहे.