Gold थोडं स्वस्त मिळू शकतं का? एक्सपर्टचा धडाकेबाज अंदाज, पुढची मजल थेट ऑल-टाइम ब्लास्ट

जर तुम्ही स्वस्त दरात सोने खरेदी करण्याचा विचार करत असाल, तर सध्या बाजारात एक चांगली संधी तयार होताना दिसत आहे. अमेरिकन गोल्ड फ्युचर्स मंगळवारी 1.3% ने घसरून $4,220.80 प्रति औंस इतक्या पातळीवर बंद झाले, म्हणजेच किमतींमध्ये हलकीशी घसरण झाली आहे.

ही घसरण मोठ्या विक्रीमुळे नाही, तर फक्त हलकी प्रॉफिट बुकिंग म्हणून पाहिली जात आहे. दुसरीकडे फेडरल रिझर्व्हकडून व्याजदर कपातीची अपेक्षा जोरात असल्यामुळे आगामी काळात सोने पुन्हा वर जाऊ शकते. त्यामुळे सामान्य गुंतवणूकदारांसाठी हा योग्य वेळ ओळखून पुढे जाण्याचा क्षण आहे.

एक्सपर्ट्सचे मत स्पष्ट आहे की ही घसरण घाबरण्यासारखी नाही. अलीकडच्या दिवसांत सोन्याच्या भावात झालेल्या जोरदार वाढीनंतर ट्रेडर्सने फक्त नफा बुक केला आहे. Zaner Metals चे स्ट्रॅटेजिस्ट पीटर ग्रँट सांगतात की सोने अजूनही “अपसाइड ब्रेकआउट पॅटर्न” मध्ये आहे. त्यांचे अनुमान तर आणखी पुढे आहे—ते म्हणतात की नवीन वर्षाच्या सुरुवातीला सोने $5,000 प्रति औंसपर्यंत जाऊ शकते. त्यामुळे तुमच्या मनात जर प्रश्न येत असेल की, “आता थोडं स्वस्त मिळू शकतं का?” होय, संधी मिळू शकते, पण त्यासाठी योग्य वेळ आणि संयम आवश्यक आहे.

या महिन्यात अमेरिकेत फेडची बैठक आहे आणि बाजाराला जवळजवळ खात्री आहे की 25 बेसिस पॉइंट्सची रेट कट होऊ शकते. ट्रेडर्स तर या घडण्याची 89% शक्यता मानत आहेत. याचा तुमच्यासाठी अर्थ असा की, व्याजदर कमी → बँकेत FD चे रिटर्न कमी → सोन्यात गुंतवणुकीचे आकर्षण वाढते. म्हणजेच जर रेटकट खरोखर झाला, तर सोन्याचे भाव पुन्हा वाढू शकतात. त्यामुळे रेट कटच्या आधी येणारे छोटे डिप्स हे चांगले खरेदीचे पॉइंट मानले जातात.

वर्ल्ड गोल्ड काउन्सिलच्या मते, जगभरातील सेंट्रल बँकांनी ऑक्टोबर महिन्यात 53 टन सोने खरेदी केले. हे जानेवारी 2025 नंतरचे सर्वात मोठे मासिक खरेदी प्रमाण आहे. सरळ भाषेत सांगायचे तर मोठे देश देखील सोने साठवत आहेत, म्हणजे त्यांनाही सोन्याच्या भावात पुढे वाढ होणार यावर विश्वास आहे.

चांदी सोमवारी रेकॉर्ड हाय $58.83 पर्यंत गेली आणि आता किंचित घसरून $57.90 वर आली आहे. पण वर्षभरात ती 100% पेक्षा जास्त वाढली आहे. याचा अर्थ कीमती धातूंमध्ये पैसा जोरात वाहतो आहे.

जर तुम्ही सोने खरेदी करणार असाल, तर लक्षात ठेवा : 1–1.5% अशी छोटी घसरण आली की थोडे थोडे खरेदी करा, संपूर्ण रक्कम एकाचवेळी गुंतवू नका. यालाच गोल्डमध्ये SIP स्टाईल म्हणतात, सोने हे लांब पल्ल्याचे गुंतवणूक साधन आहे मात्र झटपट नफा शोधू नका, रेट कटची घोषणा होण्यापूर्वी आणि झाल्यानंतर दोन्ही वेळा छोटे-छोटे खरेदीचे मोमेंट्स मिळू शकतात.