"मंदीचं सावट तरी गुंतवणुकीची संधी" 4 सेक्टरमधून करा छप्परफाड कमाई, तज्ज्ञांनी थेट सांगितलं

मुंबई: भारतीय बाजाराचे मार्केट कॅपिटलायझेशन 1 ट्रिलियन डॉलरने बुडाले आहे. चीनमधील शेअर मार्केट 2 ट्रिलियन डॉलरने वाढले आहे. 1996 मध्ये सर्वात जास्त शेअर मार्केट कोसळलं होतं. पाच महिने सलग घसरण होती. तोही रेकॉर्ड यावेळी मोडला जाणार का असा प्रश्न गुंतवणूकदारांना सतावत आहे. त्यामुळे शेअर मार्केटवर दबाव तर आहेच शिवाय पैसे गुंतवावे की नाही असा प्रश्नही अनेकांना पडला आहे. याचं उत्तर तज्ज्ञांनी दिलं आहे.

सीएनबीसी आवाजने दिलेल्या वृत्तानुसार Geojit Financial Services चे चीफ स्ट्रॅटेजिस्ट वी. के. विजयकुमार म्हणाले की, या घसरणीमुळे चांगले शेअर्स स्वस्तात मिळत आहेत. लांब कालावधीसाठी गुंतवणूक करणाऱ्यांनी घाबरू नये. शिवाय त्यांनी कोणत्या सेक्टरमध्ये गुंतवणूक करावी याबाबतही महत्त्वाची माहिती दिली आहे.

सध्या टेक सेक्टरला जरी मोठा फटका बसला असला तरी शॉर्ट टर्म गुंतवणूक न करता लाँग टर्मच्या दृष्टीनं गुंतवणूक करण्याचा विचार करायला हवा. असं विजयकुमार म्हणाले. मार्केट एक्सपर्ट्सच्या मते, पुढील काही महिन्यांत बाजार पुन्हा सुधारेल. शेअर मार्केटने नेहमीच दीर्घकालीन गुंतवणूकदारांना छप्परफाड कमाई करुन दिली आहे.

फार्मा कंपन्यांच्या शेअर्समध्ये गुंतवणूक करणं म्हणजे एक सुरक्षित गुंतवणूक समजलं जातं. हे सेक्टर असं आहे की जिथे तुम्हाला कमी अधिक रिटर्न्स नक्की मिळणार असं आहे. ऑटोमोबाईल सेक्टर सध्या EV मुळे ट्रेन्डमध्ये आहे. दीर्घकालीन गुंतवणूक केल्यास चांगली वाढ मिळते.

IT सेक्टर्सच्या शेअर्समधून उत्तरम दीर्घकालीन रिटर्न्स मिळू शकतात. स्टार्टअपच्या शेअर्समध्ये गुंतवणूक करताना मात्र चांगला अभ्यास करायला हवा. बँकिंग सेक्टरने कायमच स्टेबल रिटर्न्स दिले आहेत. त्यामुळे तुम्हाला जर स्टेबल रिटर्न्स हवे असतील तर ही चांगली संधी आहे. शिवाय चांगल्या कंपन्यांचे शेअर्स सध्या मार्केट क्रॅशमुळे अर्ध्या किंमतीवर आले आहेत. त्यामुळे गुंतवणूकदारांसाठी ही चांगली संधी आहे.

घसरणीच्या काळात खरेदी करा आणि तेजीच्या काळात विक्री करा. कमी जोखीम आणि चांगले परतावा हवा तर SIP चा पर्याय निवडा, दीर्घकालीन रिटर्न्स हवेत तर डायरेक्ट शेअर्समध्ये गुंतवणूक करा, कमी खर्च आणि स्टेबल रिटर्न्स हवे असतील तर इंडेक्स फंडमध्ये गुंतवणूक करणं फायद्याचं ठरू शकतं.

संयम ठेवा, ज्यांच्याकडे शेअर्स आधीपासून आहेत त्यांनी होल्ड करा, विकण्याची गडबड करू नका. दीर्घ कालावधीच्या रिटर्न्सचा विचार करा. चांगल्या कंपन्यांमध्ये गुंतवणूक करा, कोणतीही गुंतवणूक करण्यापूर्वी तुमच्या आर्थिक सल्लागाराचा सल्ला घ्या.