Knowledge : जंगलाच्या राजाचं फेव्हरेट फूड कोणतं? सिंहाला सर्वात जास्त काय खायला आवडतं?

खाण्याच्या बाबतीत प्रत्येकाच्या आवडीनिवडी असतात. माणसंच नव्हे तर प्राण्यांच्याही. तुम्ही घरात कुत्रा-मांजर पाळलं असेल तर तुम्हाला माहिती असेल की ते विशिष्ट प्रकारचेच पदार्थ खातात, त्यांना दुसरं काही दिलं तर ते खात नाही.

हे फक्त पाळीव प्राण्यांच्या बाबतीत होत असं नाही तर जंगली प्राण्यांचंही फेव्हरेट फूड असतं. जंगलाचा राजा सिंहाचं फेव्हरेट फूड कोणतं आहे माहिती आहे का?

सिंह म्हणजे जंगलाचा राजा. तो प्राण्यांची शिकार करतो. भल्याभल्या प्राण्यांचा त्याच्यासमोर टिकाव लागत नाही. कित्येक प्राणी त्याला घाबरतात.

प्राण्यांची शिकार करून सिंह त्यांचं मांस खातो हे आपल्याला माहितीच आहे. पण त्याला कोणतं मांस खायला आवडतं, म्हणजे त्याला कोणत्या प्राण्याचं मांस आवडतं?

माहितीनुसार सिंहाला म्हैस आणि  हरणाचं मांस खायला आवडतं. तसंच वाइल्डबीस्टची शिकार करायलाही त्याला आवडतं.