28 वर्षांपासून नगरसेवक, तरी हातगाडीवर विकतात पकोडे; कर्करोगही लावला पळवून!

ही निवडणूक होती वर्धा नगरपरिषदेची, 1995 सालची. वेगवेगळ्या पक्षांकडून उमेदवारांची मोर्चेबांधणी सुरू होती. मालगुजारीपुरातून विनोद लाटकर यांनी लोक आग्रहास्तव वयाच्या अवघ्या 19व्या वर्षी आपली उमेदवारी दाखल केली. ते अपक्ष उमेदवार म्हणून लढणार होते.

हातगाडीवर उदरनिर्वाह आणि लोकांची सेवा करत असतानाच 2021 साली विनोद यांची तब्येत अचानक खालावली. त्यांना आपल्या शरिरात कर्करोगाची गाठ असल्याचं समजलं. उपचारासाठी त्यांच्याकडे पैसेही नव्हते. तेव्हा समाजातील नागरिक आणि डॉक्टर त्यांच्या मदतीला धावून आले. मुंबईतील रुग्णालयात त्यांच्यावर यशस्वी उपचार झाले आणि त्यांच्या शरिरातून ती गाठ काढण्यात आली. यादरम्यान 7-8 महिने त्यांना आपला व्यवसाय बंद ठेवावा लागला. मात्र त्यानंतर शिल्पा लाटकर यांनी मोठ्या हिंमतीने पुन्हा पकोडे विकायला सुरुवात केली. आता दोघं मिळून कार्यालयीन कामं आणि व्यवसाय सांभाळतात. त्यांच्या कुटुंबात एकूण 7 सदस्य. विनोद लाटकर, त्यांच्या पत्नी शिल्पा लाटकर, आई, मुलगा, विधवा बहीण, तिची 2 मुलं, असं गुण्यागोविंदाने सर्वजण एकत्र राहतात.