Baramati : अंत्यविधी झाला नव्हता अन् बारामतीच्या प्रसिद्ध हॉटेलवर गुप्त बैठक, चार नेते कोण? अजितदादांच्या मृत्यूनंतर 48 तासात काय घडलं?

Baramati NCP Politics (वैभव सोनवणे, प्रतिनिधी) : दिवंगत उपमुख्यमंत्री अजित पवार यांचं बुधवारी सकाळी अपघातात निधन झालं. त्यानंतर गुरुवारी दुपारी त्यांच्यावर अंत्यसंस्कार करण्यात आले. अशातच आज रविवारी सुनेत्रा पवार यांचा उपमुख्यमंत्री म्हणून शपथविधी पार पडत आहे. अशातच आता बारामतीत राजकीय घडामोडींना वेग आला असून अंत्यविधी होण्यापूर्वीच बारामतीच्या प्रसिद्ध हॉटेलवर गुप्त बैठक झाल्याची माहिती समोर आली आहे. अजित पवारांच्या मृत्यूनंतर 48 तासात राजकीय वर्तुळात बैठकीचा तगदा लावला गेला होता. तर अजित पवार यांच्या अंत्यविधीआधीच एक महत्त्वाची बैठक बारामतीच्या एका प्रसिद्ध हॉटेलवर पार पडली होती, अशी माहिती समोर आली आहे.