'तू सुंदर नाहीस', भाजपच्या माजी सरपंचाकडून सुनेचा छळ, 50 तोळं सोनं घेऊनही संपली नाही हाव

पुणे जिल्ह्यातील उरुळी कांचन परिसरातून एक अत्यंत संतापजनक घटना समोर आली आहे. सासरच्या छळाला कंटाळून एका उच्चशिक्षित इंजिनिअर विवाहितेने आपल्या ३ वर्षांच्या चिमुरडीसमोरच गळफास घेऊन आत्महत्या केली. धक्कादायक बाब म्हणजे मयत विवाहितेची सासू ही भारतीय जनता पक्षाची माजी सरपंच आहे. तरीही ती आपल्या सुनेचा छळ करत होती. एका उच्चशिक्षित तरुणीने अशाप्रकारे जीवन संपवल्याने संपूर्ण परिसरात खळबळ उडाली आहे. याप्रकरणी पोलिसांनी पती आणि सासूला अटक केली आहे.