39 सेकंदाचा अ‍ॅक्शनपॅक्ड VIDEO, 'अ‍ॅनिमल'नंतर उपेंद्र लिमये साकारणार दमदार खलनायक

मन आतले मनातले असं सिनेमाचं नाव असून हा उपेंद्र लिमये यांच्या कारकिर्दीतला वेगळा सिनेमा ठरणार आहे. सिनेमात ते खलनायक साकारणार आहेत.  त्यांची खलनायकी भूमिका हे सिनेमाचं महत्त्वाचं आकर्षण ठरणार आहे. सिनेमाचा टीझर रिलीज झाला असून टीजरमध्येही उत्तम अॅक्शन सिक्वेन्स दिसत आहेत.

( Bollywood Actor: टीव्हीवरचा स्टार, स्पाय चित्रपटातही केलंय काम, कधीकाळी होता बॉर्डरवर तैनात, कोण आहे हा रिअल हिरो? )

अनेक मराठी, हिंदी, दाक्षिणात्य चित्रपटांमध्ये दमदार भूमिका साकारलेले अभिनेते उपेंद्र लिमये आता दमदार खलनायकी भूमिकेत दिसणार आहेत. हा अॅक्शनपॅक्ड चित्रपटाचा 13 फेब्रुवारीला प्रेक्षकांच्या भेटीला येणार आहे.

उपेंद्र लिमये यांच्याबरोबर या सिनेमात सुरेन, मानसी नाईक, उपेंद्र लिमये, ऋतुराज फडके, संदीप गायकवाड, कमलेशन सावंत, अरूण नलावडे, यतीन कार्येकर, सिया पाटील, राजेश आहेर, विनित भोंडे अशी तगडी स्टारकास्ट आहे.

https://youtu.be/vjcBFWKdRX4?si=q18TivDRgzl4FJyn

सूर्य फिल्म वर्ल्ड प्रस्तुत "मन आतले मनातले" या चित्रपटाची निर्मिती सुरेन महापात्रा यांनी केली आहे. त्यांनीच सिनेमाची कथा, पटकथा, लेखन केलं आहे. तर  तर संवादलेखन मनोज सुधाकर येऊनकर यांनी केलं आहे. तर जेम्स अँथनी यांनी हा चित्रपट दिग्दर्शित केला आहे. अभिजित मजुमदार यांनी संगीत दिग्दर्शन, डॉ. सुनंदा डिवरे पळवणकर यांनी गीतलेखन केलं आहे. सुदर्शन सेनापती यांनी छायांकन, मलया आणि बिपिन यांनी संकलनाची जबाबदारी निभावली आहे. सूर्य फिल्म वर्ल्ड या निर्मिती संस्थेने आजवर ओडिया, हिंदी, तेलुगू, तमिळ, बंगाली भाषांतील चित्रपटांची निर्मिती केली आहे. आता मन आतले मनातले या चित्रपटातून ही निर्मिती संस्था मराठीमध्ये पदार्पण करत आहे.

सिनेमाची स्टोरी काय?

थॅलेसेमिया, गिल्बर्ड सिंड्रोम या आजारावर औषध शोधण्यासाठी प्रयत्नशील असलेल्या एका डॉक्टर दांपत्याला औषधाचा शोध लागतो. या आजारांना त्यांचा मुलगाही तोंड देत असतो. शोध लागलेल्या औषधाचा प्रयोग ते आपल्या मुलावर करतात. पण त्या औषधाचा परिणाम नक्की कसा होतो त्यानंतर वेगवेगळी वळणं घेत कथेत अनेक नाट्यमय घडामोडी घडतात. त्या मुलाचे नेमकं काय होतं याचं उत्तर चित्रपटात पहायला मिळणार आहे.